முதலமைச்சர் செல்வி ஜெயலலிதாவை, சென்னை தலைமைச் செயலகத்தில், கோயம்புத்தூர், தூத்துக்குடி மாநகராட்சிகளின் மேயர் மற்றும் நகர்மன்றத் தலைவர், பேரூராட்சி மன்றத் தலைவர் ஆகிய பதவிகளுக்கு நடைபெற்ற உள்ளாட்சி அமைப்புகளின் இடைத்தேர்தலில் வெற்றிபெற்றவர்கள் நேரில் சந்தித்து வாழ்த்து பெற்றனர்.

முதலமைச்சர் செல்வி ஜெ. ஜெயலலிதாவை, சென்னை தலைமைச் செயலகத்தில் நேற்று, கோயம்புத்தூர் மாநகராட்சி மேயர் இடைத்தேர்தலில் வெற்றி பெற்ற திரு. கணபதி ப. ராஜ்குமார் மற்றும் தூத்துக்குடி மாநகராட்சி மேயர் இடைத்தேர்தலில் வெற்றி பெற்ற திருமதி A.P.R. அந்தோணி கிரேஸி ஆகியோர் சந்தித்து வாழ்த்து பெற்றனர்.

முதலமைச்சர் செல்வி ஜெயலலிதாவை, தலைமைச் செயலகத்தில், உள்ளாட்சி அமைப்புகளுக்கான இடைத்தேர்தலில் அரக்கோணம் நகர மன்றத் தலைவராக வெற்றி பெற்ற திரு. எஸ். கண்ணதாசன், கடலூர் நகர மன்றத்தலைவராக வெற்றி பெற்ற திரு. ஆர். குமரன், விருத்தாச்சலம் நகர மன்றத் தலைவராக வெற்றி பெற்ற திரு. பி. அருளழகன், ராமநாதபுரம் நகர மன்றத் தலைவராக வெற்றி பெற்ற திருமதி எஸ். சந்தான லெட்சுமி ஆகியோர் நேற்று சந்தித்து வாழ்த்து பெற்றனர்.

முதலமைச்சர் செல்வி ஜெயலலிதாவை தலைமைச் செயலகத்தில், உள்ளாட்சி அமைப்புகளுக்கான இடைத்தேர்தலில்சேலம் மாவட்டம், ஓமலூர் பேரூராட்சி மன்றத் தலைவராக வெற்றி பெற்ற திரு எம். சிவக்குமார், திருப்பூர் மாவட்டம், திருமுருகன்பூண்டி பேரூராட்சி மன்றத் தலைவராக வெற்றி பெற்ற திரு. A. பழனிச்சாமி, திருப்பூர் மாவட்டம், மடத்துக்குளம் பேரூராட்சி மன்றத்தலைவராக வெற்றி பெற்ற திரு. எஸ். பழனிச்சாமி, கோயம்புத்தூர் மாவட்டம், சூலூர் பேரூராட்சி மன்றத் தலைவராக வெற்றி பெற்ற திரு. எஸ். தங்கராஜ், கோயம்புத்தூர் மாவட்டம், இருகூர் பேரூராட்சி மன்றத் தலைவராக வெற்றி பெற்ற திருமதி D. பத்மாசுந்தரி, திருநெல்வேலி மாவட்டம், சுந்தரபாண்டியபுரம் பேரூராட்சி மன்றத்தலைவராக வெற்றி பெற்ற திரு. வி. பண்டாரம் ஆகியோர் நேற்று சந்தித்து வாழ்த்து பெற்றனர்.