தூக்குத் தண்டனை விதிக்கப்பட்ட 7 நாட்களுக்குள் தண்டனை நிறைவேற்ற உத்தரவிட வேண்டும் : உச்சநீதிமன்றத்தில் மத்திய அரசு மனு
Jan 23 2020 1:57PM
எழுத்தின் அளவு:
அ +
அ -
அ
குற்றவாளிகளுக்கு தூக்குத் தண்டனை விதிக்கப்பட்ட 7 நாட்களுக்குள், தண்டனையை நிறைவேற்ற உத்தரவிட வேண்டும் எனக் கோரி உச்சநீதிமன்றத்தில் மத்திய அரசு மனுத்தாக்கல் செய்துள்ளது.
நிர்பயா வழக்கில் தூக்குத் தண்டனை விதிக்கப்பட்ட 4 பேருக்கும் இன்று தண்டனை நிறைவேற்றப்பட இருந்த நிலையில், கருணை மனு மற்றும் சீராய்வு மனுத் தாக்கல் உள்ளிட்டவற்றால், தண்டனையை நிறைவேற்றுவது வரும் பிப்ரவரி 1-ம் தேதிக்கு மாற்றப்பட்டுள்ளது.
இந்நிலையில், குற்றவாளிகளுக்கு, தூக்கு தண்டனை விதிக்கப்பட்ட 7 நாட்களுக்குள், தண்டனையை நிறைவேற்ற உத்தரவிட வேண்டும் எனக் கோரி உச்ச நீதிமன்றத்தில் மத்திய உள்துறை அமைச்சகம் மனுத்தாக்கல் செய்துள்ளது. குற்றவாளிகளின் உரிமைகளைவிட, பாதிக்கப்பட்டவர்களின் நலன்களை முன்னிறுத்தி, நெறிமுறைகளை வகுப்பதே காலத்தின் தேவை என்று மனுவில் வலியுறுத்தப்பட்டுள்ளது.