தடை செய்யப்பட்ட 8 பயங்கரவாத அமைப்புகளைச் சேர்ந்த, 600-க்கும் மேற்பட்ட பயங்கரவாதிகள் சரண் - அசாம் முதலமைச்சர் முன்னிலையில் ஆயுதங்கள் ஒப்படைப்பு
Jan 23 2020 3:48PM
எழுத்தின் அளவு:
அ +
அ -
அ
அசாம் மாநிலத்தில், தடை செய்யப்பட்ட 8 பயங்கரவாத அமைப்புகளைச் சேர்ந்த, 644 பயங்கரவாதிகள், அம்மாநில முதலமைச்சர் திரு. சர்பானந்த சோனோவால் முன்னிலையில் சரணடைந்தனர். அப்போது ஆயுதங்களையும் ஒப்படைத்தனர்.
ULFA, NDFB, RNLF, KLO, NLFB உள்ளிட்ட தடை செய்யப்பட்ட 8 பயங்கரவாத அமைப்புகளைச் சேர்ந்த 644 பயங்கரவாதிகள், அசாம் மாநில முதலமைச்சர் திரு. சர்பானந்த சோனோவால் முன்னிலையில், கவுகாத்தியில் சரணடைந்தனர். மேலும், தங்களிடம் இருந்த 177 துப்பாக்கிகள் உள்ளிட்ட ஆயுதங்களையும் அவர்கள் ஒப்படைத்தனர்.
இது குறித்து செய்தியாளர்களிடம் பேசிய, மாநில காவல்துறை டி.ஜி.பி., திரு. பாஸ்கர் ஜோதி மகந்தா, அசாம் மாநில போலீசுக்கும், மாநிலத்திற்கும் இது மிக முக்கியமான நாள் என்றும், 8 பயங்கரவாத அமைப்புகளைச் சேர்ந்த முக்கிய தலைவர்கள், படையினர் என மொத்தம் 644 பேர் சரணடைந்துள்ளனர் என்றும், இதற்கு முன் இந்த அளவிற்கு அவர்கள் சரணடைந்தது இல்லை என்றும் தெரிவித்தார்.