குடியரசு தின விழா இன்று கொண்டாடப்படுவதையொட்டி, நாடாளுமன்ற கட்டடம், மாநில தலைமை செயலகக் கட்டடங்கள் மின்விளக்குகளால் அலங்கரிக்கப்பட்டிருந்தன.

நாடு முழுவதும் இன்று குடியரசு தின விழா கொண்டாடப்பட உள்ளது. இதையொட்டி, டெல்லியில் உள்ள நாடாளுமன்ற கட்டடம் மின் விளக்குகளால் அலங்கரிக்கப்பட்டு இருந்தது. மேலும், இந்தியா கேட் பகுதியும் தேசியக் கொடி நிறங்களில் ஜொலித்தன. டெல்லியின் பல்வேறு பகுதிகளில், மின் விளக்குகளால் அலங்காரம் செய்யப்பட்டுள்ளது.

உத்தர பிரதேச மாநிலம், வாரணாசியில் உள்ள ரயில் நிலையம், மின் விளக்குகளால் அலங்கரிக்கப்பட்டு இருந்தது. ‍மேலும், அரசு கட்டடங்களும் மின் விளக்குகளால் ஜொலித்தன. இதே போல், பஞ்சாப் தலைமை செயலகக் கட்டடம், அசாம் மாநில தலைமை செயலகக் கட்டடம், மத்திய பிரதேச மாநில தலைமை செயலகக் கட்டடம், பீகார் மாநில தலைமை செயலகக் கட்டடம் ஆகியவை, மின் விளக்குகளால் அலங்கரிக்கப்பட்டு இருந்தன. மேலும், அரசு அலுவலகக் கட்டடங்களும் மின் விளக்குகளால் ஜொலித்தன.