வரும் 2022-ம் ஆண்டுக்‍குள், விவசாயிகளின் வருமானத்தை இரட்டிப்பாக்க பல்வேறு நடவடிக்கைகள் மேற்கொள்ளப்பட்டு வருவதாக பிரதமர் திரு. நரேந்திர மோடி தெரிவித்துள்ளார்.

குஜராத் தலைநகர் காந்தி நகரில் நடைபெறும் 3-வது உலக உருளைக்கிழங்கு மாநாட்டில் பிரதமர் திரு. நரேந்திர மோதி, டெல்லியிலிருந்து காணொலி காட்சி மூலம் உரையாற்றினார். உருளைக்‍கிழங்கை அதிக அளவு உற்பத்தி செய்யும் முன்னணி மாநிலங்களில் குஜராத்தும் ஒன்று எனத் தெரிவித்த திரு. மோதி, உலக உருளைக்‍கிழங்கு மாநாடு இங்கு நடைபெறுவது மகிழ்ச்சி அளிப்பதாக கூறினார்.

ஒவ்வொரு துளி நீருக்கும் அதிக அறுவடை என்ற குறிக்கோளுடன் சாகுபடி மேற்கொள்ள வேண்டும் என்று விவசாயிகளுக்‍கு அறிவுரை வழங்கினார். நீர்ப்பாசனத்தில் அறிவியல், தொழில்நுட்ப அணுகு முறைகளை மேற்கொள்ள அவர் வலியுறுத்தினார். வரும் 2022-ம் ஆண்டுக்‍குள், விவசாயிகளின் வருமானத்தை இரட்டிப்பாக்க பல்வேறு நடவடிக்கைகள் மேற்கொள்ளப்பட்டு வருவதாகவும் பிரதமர் குறிப்பிட்டார்.