இந்தியாவுடன் அதிக வர்த்தகம் செய்யும் நாடுகள் பட்டியலில் அமெரிக்கா முதலிடம்
Feb 24 2020 11:56AM
எழுத்தின் அளவு:
அ +
அ -
அ
இந்தியாவுடன் அதிக அளவு வர்த்தகம் செய்யும் நாடுகள் பட்டியலில், சீனாவை பின்னுக்குத்தள்ளி அமெரிக்கா முதலிடம் பிடித்துள்ளது.
இந்தியாவுடனான வர்த்தக பட்டியலில் சீனா முதலிடத்தில் இருந்து வந்த நிலையில், தற்போது, அமெரிக்கா அந்த இடத்தைப் பிடித்துள்ளது. 2018 - 2019ம் நிதியாண்டில், இந்தியா - அமெரிக்கா இடையேயான வர்த்தகம், 6 புள்ளி மூன்று இரண்டு லட்சம் கோடி ரூபாயாக உள்ளது. அதே நேரம், இந்த காலத்தில், சீனாவுடனான வர்த்தகம், 6.25 லட்சம் கோடி ரூபாயாக உள்ளது. அதே போன்று, 2019 - 2020ம் நிதியாண்டின் ஏப்ரல் முதல் டிசம்பர் வரையிலான காலத்தில், இந்தியா - அமெரிக்கா இடையே, 4.88 லட்சம் கோடி ரூபாய் அளவுக்கு வர்த்தகம் நடந்துள்ளது. சீனாவுடன், 4.66 லட்சம் கோடி ரூபாய் அளவுக்கே வர்த்தகம் நடந்துள்ளது குறிப்பிடத்தக்கது.