குஜராத் மாநிலம் சூரத் நகைக்கடை ஒன்றில் வைரம் பதித்த முகக்கவசங்கள் விற்பனைக்கு வைக்கப்பட்டுள்ளன. அவற்றின் விலை ஒன்றரை லட்சம் முதல் 4 லட்சம் ரூபாய் வரை நிர்ணயம் செய்யப்பட்டுள்ளன.

கொரோனா பரவல் தடுப்பு நடவடிக்‍கையாக, நாடு முழுவதும் மக்‍கள், முகக்கவசம் அணிவது கட்டாயமாக்கப்பட்டுள்ளது. இதனால், மக்களை கவர, பல்வேறு வண்ணங்களிலும், பிரபலங்களின் படங்களுடனும் முகக்கவசங்கள் விற்பனை செய்யப்பட்டு வருகின்றன.

குஜராத் மாநிலம் சூரத்தில் உள்ள நகைக்கடை ஒன்று, வைரம் பதித்த முகக்கவசங்களை விற்பனைக்கு வைத்து அனைவரையும் வியப்பில் ஆழ்த்தியுள்ளது. இந்த முகக்கவசங்களுக்‍கு ஒன்றரை லட்சம் முதல் 4 லட்சம் ரூபாய் வரை விலை நிர்ணயம் செய்யப்பட்டுள்ளது.

தங்கள் கடைக்‍குவந்த வாடிக்கையாளர் ஒருவர், திருமணத்திற்காக, மணமகனுக்கும், மணமகளுக்கும் வைரம் பதித்த முகக்‍கவசங்களை ஆர்டர் செய்ததாகவும், அப்போதிலிருந்து, கடையில், வைரம் பதித்த முகக்‍கவசங்கள் தயாரிப்பு பணி தொடங்கியதாகவும், நகை கடையின் உரிமையாளர் தெரிவித்துள்ளார்.