இந்தியா மீது சீனா தொடர்ந்து சைபர் தாக்குதல் நடத்தியது தொடர்பாக அமெரிக்காவில் செயல்பட்டு வரும் சீன நிறுவனம் அதிர்ச்சித் தகவலை வெளியிட்டுள்ளது.

அமெரிக்காவிலுள்ள சீன ஏரோஸ்பேஸ் ஸ்டடீஸ் இன்ஸ்டிட்யூட் நடத்திய ஆய்வில் சீனாவின் சைபர் தாக்குதல் குறித்து அதிர்ச்சி தகவல் வெளியாகியுள்ளது. மொத்தம் 142 பக்கங்கள் கொண்ட அந்த அறிக்‍கையில், கடந்த 2007 முதல் 2018ம் ஆண்டு வரையில், இந்தியா மீது பல்வேறு விதமான சைபர் தாக்குதல்களை சீனா நடத்தியதாக தெரிவிக்கப்பட்டுள்ளது. கடந்த 2017ம் ஆண்டு இந்தியாவின் செயற்கைக்கோள் தகவல் தொடர்புகளை முடக்கும் வகையில் ஒரு முக்கிய தாக்குதல் நடைபெற்றதாகவும் அதில் தெரிவிக்கப்பட்டுள்ளது. கணினிகளை பயன்படுத்தி ஜெட் புரபல்ஷன் ஆய்வகத்தின் மீது தாக்குதல் நடத்தி அதன் முழு செயல்பாடுகளை தன்வசம் கொண்டுவர சீனா முயற்சித்ததாகவும் கூறப்பட்டுள்ளது. இதன் மூலம், சீனா, இந்திய எல்லையில் மட்டுமல்லாமல், தொழில்நுட்ப அச்சுறுத்தல்களிலும் ஈடுபட்டிருப்பது அம்பலமாகியுள்ளது.