நடிகை குஷ்புவை போல, மறைந்த மத்திய அமைச்சர் பஸ்வானின் மகனான சிராக் பஸ்வானும், கட், டேக், ரிபீட் என சினிமாத்தனத்தை காட்டும் வீடியோ காட்சிகள், சமுக வலைதளங்களில் வைரலாகி வருகின்றன.

தமிழகத்தில் நேற்று நடைபெற்ற போராட்டத்தின்போது நடிகை குஷ்பு கைது செய்யப்பட்டார். அப்போது, அதனை வீடியோவாக வெளியிட்ட குஷ்பு, தொடர்ச்சியாக பேச முடியாமல், வாய் குழம்பி, ரிபீட் என கூறி, மீண்டும் பேசியது செய்தியளார்களிடையே சலசலப்பை ஏற்படுத்தியது. அரசியல் பேட்டியையும், சினிமா ஷூட்டிங் என நினைத்த குஷ்பு, பாஜகவினரின் கேலிப்பொருளாகவும் தற்போது மாறினார். அவரது பேட்டி தொடர்பான வீடியோ சமுக வலைதளங்களில் வைரலாகியது.

இதேபோல் பீகார் தேர்தலில் போட்டியிடும், மறைந்த முன்னாள் மத்திய அமைச்சர் பஸ்வானின் மகனான திரு. சிராக் பஸ்வானும், தனது தந்தையின் அலங்கரிக்கப்பட்ட படத்துக்கு முன்பு, சினிமா நடிகர் போல மேக்கப்பட்டு போட்டுக்கொண்டு, சினிமா ஷூட்டிங்கில் நடந்து கொள்வது போலவே செயல்படுகிறார். பேசிக் கொண்டிருக்கும்போது அவ்வப்போது இடை நிறுத்தி, ரிபிட், கட் என கூறுவதும், அதை பின்னர் சரி செய்துகொள்ளலாம் என்று கூறுவதும் அவரது போலித்தனத்தை தோளுரித்து காட்டியுள்ளது. தற்போது அந்த வீடியோ காட்சிகள் வைரலாகி வருகின்றன.