கர்நாடக மாநிலம் பெங்களூருவில் 2021-ல் சர்வதேச திரைப்பட விழா : முதல்வர் எடியூரப்பா அனுமதி
Dec 2 2020 10:01AM
எழுத்தின் அளவு:
அ +
அ -
அ
கர்நாடக மாநிலத் தலைநகர் பெங்களூருவில் சர்வதேச திரைப்பட விழா நடத்துவதற்கு, அம்மாநில முதல்வர் திரு. எடியூரப்பா அனுமதி வழங்கியுள்ளார்.
உலகம் முழுவதும் ஒவ்வொரு ஆண்டும் 5 ஆயிரத்திற்கும் மேற்பட்ட திரைப்பட விழாக்கள் நடத்தப்படுகிறது. இதில், 45 திரைப்பட விழாக்களுக்கு மட்டுமே சர்வதேச அளவில் அங்கீகாரம் கிடைக்கிறது. ஒவ்வொரு ஆண்டு இறுதியில் திரைப்பட விழா வெகு விமரிசையாக நடத்தப்படும் நிலையில், இந்த ஆண்டு கொரோனா தொற்று பரவல் காரணமாக விழா நடக்குமா? என்ற சந்தேகம் இருந்தது.
இந்நிலையில், இதுகுறித்து கர்நாடக மாநில திரைப்பட அகாடமி தலைவர் சுனில் புராணிக் தலைமையில் நிர்வாகிகள், திரைப்பட துறையினர் கூடி ஆலோசனை நடத்தினர். அடுத்த ஆண்டு பிப்ரவரி மாதம் 25-ம் தேதி முதல் ஒருவாரம் சர்வதேச திரைப்பட விழா நடத்த கூட்டத்தில் தீர்மானிக்கப்பட்டது. இதனையடுத்து, இதற்கு அனுமதி பெறும் வகையில், கர்நாடக திரைப்பட துறையினர், முதல்வர் திரு. எடியூரப்பாவை நேற்று நேரில் சந்தித்து மனு அளித்தனர். இதனை ஏற்றுக்கொண்ட முதல்வர், பெங்களூருவில் திரைப்பட விழா நடத்த அனுமதி வழங்கினார்.