தங்கக் கடத்தல் வழக்கில், கேரள முதலமைச்சரின் முன்னாள் முதன்மை செயலாளர் திரு. சிவசங்கருக்கு வழங்கப்பட்ட ஜாமி‌னை எதிர்த்து, அமலாக்கத் துறை தொடர்ந்த வழக்கில் பதிலளிக்கக் கோரி, அவருக்கு உச்சநீதிமன்றம் நோட்டீஸ் அனுப்பியுள்ளது.

கேரள மாநிலம் திருவனந்தபுரத்தில் உள்ள, ஐக்கிய அரபு அமீரக தூதரகத்திற்கு, கடந்தாண்டு தங்கக் கட்டிகள் கடத்தப்பட்ட சம்பவம் பரபரப்பை ஏற்படுத்தியது. இந்த வழக்கில், முக்கிய குற்றவாளி ஸ்வப்னா சுரேஷ், கேரள முதலமைச்சர் திரு. பினராயி விஜயனின் முதன்‌மை செயலாளராக இருந்த திரு. சிவசங்கர் உள்ளிட்டோர் கைது செய்யப்பட்டனர். இந்த விவகாரம் தொடர்பாக, அமலாக்கத் துறை, சுங்கத் துறை, சிபிஐ தனித்தனியே விசாரித்து வருகிறது. இதற்கிடையே, திரு. சிவசங்கருக்கு கேரள உயர்நீதிமன்றம் ஜாமின் வழங்கி தீர்ப்பளித்தது. கேரள உயர்நீதிமன்றத்தின் தீர்ப்‌பை எதிர்த்து, உச்சநீதிமன்றத்தில் அமலாக்கத் துறை மேல் முறையீடு செய்தது. இந்த மனுவை இன்று விசாரித்த உச்சநீதிமன்றம், இது தொடர்பாக பதிலளிக்கக்கோரி சிவச‍ங்கருக்கு நோட்டீஸ் அனுப்ப உத்தரவிட்டது.