பிரதமர் கிசான் திட்டத்தின் கீழ் 8-வது தவணை 9.5 கோடி விவசாயிகள் வங்கிக்கணக்கில் ரூ.2000 நிதியுதவி ரூ.19,000 கோடி நிதியை வழங்கினார் பிரதமர் மோடி
May 14 2021 2:18PM
எழுத்தின் அளவு:
அ +
அ -
அ
பிரதமர் கிசான் திட்டத்தின் கீழ் 8-வது தவணை நிதியை, பிரதமர் திரு. நரேந்திர மோடி இன்று விடுவித்துள்ளார்.
பிரதமரின் விவசாயிகள் நிதியுதவி திட்டப்படி, நாடு முழுவதும் தகுதியுள்ள விவசாய குடும்பங்களுக்கு ஆண்டுக்கு 6 ஆயிரம் ரூபாயை, 3 தவணைகளாக மத்திய அரசு வழங்கி வருகிறது. விவசாயிகளின் வங்கிக்கணக்கில் நேரடியாக இப்பணம் செலுத்தப்படுகிறது. இதுவரை 1 லட்சத்து 15 ஆயிரம் கோடி ரூபாய் செலுத்தப்பட்டுள்ளது.
இந்நிலையில், இந்தத் திட்டத்தின் 8-வது தவணைத் தொகையை, பிரதமர் திரு. மோடி இன்று வழங்கினார். காணொலி காட்சி மூலம் நடைபெற்ற இந்த நிகழ்ச்சியில், 9 கோடியே 50 லட்சத்துக்கு மேற்பட்ட விவசாய குடும்பங்களின் வங்கிக்கணக்கில், தலா 2 ஆயிரம் ரூபாய் வீதம், 19 ஆயிரம் கோடி ரூபாய் செலுத்தப்பட்டது. நிகழ்ச்சியில் சில பயனாளிகளுடன் பிரதமர் உரையாடினார். மத்திய வேளாண் அமைச்சர் திரு. நரேந்திரசிங் தோமர் இந்த நிகழ்வில் கலந்து கொண்டார்.