இந்தியாவில் கடந்த 24 மணி நேரத்தில் 41,649 பேருக்கு கொரோனா - 593 பேர் உயிரிழப்பு
Jul 31 2021 12:37PM
எழுத்தின் அளவு:
அ +
அ -
அ
இந்தியாவில் கொரோனா தினசரி பாதிப்பு எண்ணிக்கை கடந்த 3 தினங்களாக மீண்டும் 40 ஆயிரத்தை கடந்து பதிவாகி வருகிறது.
கடந்த 24 மணி நேரத்தில் 41 ஆயிரத்து 649 பேருக்கு புதிதாக கொரோனா தொற்று ஏற்பட்டுள்ளது. இதன்மூலம், கொரோனா பாதிப்பு மொத்த எண்ணிக்கை 3 கோடியே 16 லட்சத்து 13 ஆயிரத்து 993-ஆக உயர்ந்துள்ளது. கடந்த 24 மணி நேரத்தில் 593 பேர் தொற்றுக்கு மரணமடைந்துள்ளதாகவும், இதன்மூலம் கொரோனா மொத்த பலி எண்ணிக்கை 4 லட்சத்து 23 ஆயிரத்து 810-ஆக அதிகரித்துள்ளதாகவும் மத்திய சுகாதாரத்துறை அமைச்சகம் கூறியுள்ளது. 4 லட்சத்து 8 ஆயிரத்து 920 பேர் மருத்துவமனைகளில் கொரோனாவுக்கு சிகிச்சை பெற்று வருவதாகவும், இதுவரை 3 கோடியே 7 லட்சத்து 81 ஆயிரத்து 263 பேர் கொரோனா தொற்றிலிருந்து குணமடைந்துள்ளதாகவும், நேற்று ஒரே நாளில் 37 ஆயிரத்து 291 பேர் தொற்றிலிருந்து மீண்டுள்ளதாகவும் தெரிவிக்கப்பட்டுள்ளது.