புதுச்சேரியில் மளிகைக்கடை முன்பு நிறுத்தி வைக்கப்பட்டிருந்த இருசக்கர வாகனத்தை, மர்ம நபர் திருடும் சிசிடிவி காட்சிகள் வெளியாகியுள்ளது.

புதுச்சேரி புறநகர பகுதியான வில்லியனூர், ரியூர் பாரதி நகரை சேர்ந்த முருகன் என்பவரின் மனைவி சுகுமாரி, மளிகை கடையை நடத்தி வருகின்றார். இந்நிலையில், நேற்று இரவு தனது கடை முன்பு இருசக்கர வாகனத்தை நிறுத்திவிட்டு காலை வந்து பார்த்தபோது, இருசக்கர வாகனம் மாயமாகி இருப்பதை கண்டு அவர் அதிர்ச்சியடைந்தார். இதனையடுத்து, தனது கடையில் பொருத்தப்பட்டிருந்த சிசிடிவி கேமிராவை ஆய்வு செய்தபோது, இரவு 1 மணியளவில் மர்ம நபர் ஒருவர் இருசக்கர வாகனத்தை திருடி செல்லும் காட்சிகள் பதிவாகியிருந்தது. இந்த சிசிடிவி காட்சிகளை சுகுமாரி சமூக வளைதளங்களில் வெளியிட்டுள்ளார்.

வாகன திருட்டு குறித்து காவல் நிலையத்தில் புகார் அளித்தால், கிடப்பில் போடப்படுவதால், புகார் அளிக்காமல் சமூக வளைதளங்களில் இந்த சிசிடிவி காட்சிகளை வெளியிடுவதாக சுகுமார் தெரிவித்துள்ளார்.