பெங்களூருவில் உள்ள தனியார் பள்ளி முழுவதும் SORRY என எழுதியது யார்? : போலீசார் தீவிர விசாரணை
May 25 2022 3:04PM
எழுத்தின் அளவு:
அ +
அ -
அ
கர்நாடக மாநிலம் பெங்களூருவில் சாந்திதாமா தனியார் பள்ளியின் நுழைவாயில், சுவர்கள் மற்றும் அதை சுற்றியுள்ள சாலைகள் முழுவதும் Sorry என்ற வார்த்தை எழுதப்பட்டுள்ளது. இதனை எழுதியது யார் என போலீசார் விசாரணை மேற்கொண்டுள்ளனர்.
பெங்களூருவில் காமக்ஷிபல்யா காவல் நிலைய எல்லைக்குட்பட்ட சாந்திதாமா தனியார் பள்ளியின் நுழைவாயில், சுவர்கள் மற்றும் அதை சுற்றியுள்ள சாலைகள் முழுவதும் சாரி என்று எழுதப்பட்டுள்ளது. இதைக் கண்ட மாணவர்கள், ஆசிரியர்கள் மற்றும் பள்ளி நிர்வாகத்தினர் அதிர்ச்சியடைந்தனர். இதுதொடர்பாக பள்ளி நிர்வாகத்தினர் போலீசாருக்கு தகவல் கொடுத்தனர். சம்பவ இடத்தை பார்வையிட்ட போலீசார், சிசிடிவி காட்சிகளை ஆய்வு செய்து மர்ம நபர்களை தேடி வருகின்றனர். இதனிடையே, டெலிவரி பாய்ஸ் வேடத்தில் வந்த மர்மநபர்கள், நள்ளிரவில் இதை செய்திருக்கலாம் என சந்தேகம் எழுந்துள்ளது.