புதுச்சேரியில் காவல் நிலையம் அருகே ரவுடி வெட்டிக்கொலை
May 26 2022 1:57PM
எழுத்தின் அளவு:
அ +
அ -
அ
புதுச்சேரியில் காவல் நிலையம் அருகே ரவுடி வெட்டிக்கொலை செய்யப்பட்ட சம்பவம் அப்பகுதியில் பரபரப்பை ஏற்படுத்தியுள்ளது.
புதுச்சேரி கருவடிக்குப்பத்தை சேர்ந்தவர் பிரபல ரவுடி சரத். இவர் இன்று அதிகாலை 4 மணியளவில் அரியாங்குப்பம் காவல் நிலையம் பின்புறம் உள்ள உறவினர் வீட்டில் தங்கியிருந்த போது, திடீரென வீட்டிற்குள் புகுந்த ஒரு கும்பல், அவரை கழுத்து, தலை, முகம் உள்ளிட்ட பகுதியில் சரமாரியாக வெட்டி கொலை செய்துவிட்டு தப்பியோடியது. இதுகுறித்து தகவல் அறிந்த அரியாங்குப்பம் போலீசார், உடலை கைப்பற்றி விசாரணை மேற்கொண்டு குற்றவாளிகளை தேடி வருகின்றனர். படுகொலை செய்யப்பட்ட சரத் மீது கொலை, வெடிகுண்டு வீச்சு, வழிப்பறி உள்ளிட்ட பல்வேறு வழக்குகள் நிலுவையில் உள்ளது என்பது குறிப்பிடத்தக்கது.