பீகார் முதலமைச்சராக திரு. நிதிஷ் குமாரும், துணை முதலமைச்சராக திரு. தேஜஸ்வி யாதவும் பதவியேற்றுக் கொண்டனர்.

பாரதிய ஜனதா தலைமையிலான தேசிய ஜனநாயக கூட்டணியில் இருந்து வெளியேறுவதாக ஐக்கிய ஜனதாதளம் தலைவர் திரு. நிதிஷ்குமார் அறிவித்தார். இதையடுத்து பீகார் ஆளுநர் திரு. பகு செளஹானை நேரில் சந்தித்து பதவி விலகல்கடிதத்தை திரு. நிதிஷ் குமார் வழங்கினார். சிறிது நேரத்தில் ஆளுநர் திரு. பகு செளஹானை மீண்டும் சந்தித்த திரு. நிதிஷ்குமார், ராஷ்ட்ரிய ஜனதாதளம், காங்கிரஸ் உள்ளிட்ட கட்சிகளுடன் இணைந்து கூட்டணி ஆட்சியமைக்‍க உரிமை கோரினார். அவருக்‍கு ராஷ்டிரிய ஜனதா தளத்தின் 79 எம்.எல்.ஏக்கள், ஐக்கிய ஜனதா தளத்தின் 45 எம்.எல்.ஏக்கள், காங்கிரசின் 19 எம்.எல்.ஏக்கள், 16 இடதுசாரி எம்.எல்.ஏக்கள் என மொத்தம் 164 எம்.எல்.ஏக்கள் ஆதரவு தெரிவித்தனர்.

இதையடுத்து, பாட்னாவில் நடைபெற்ற பதவியேற்பு விழாவில், பீகார் முதலமைச்சராக 8-ம் முறையாக திரு. நிதிஷ் குமார் பதவியேற்றார். துணை முதலமைச்சராக ராஷ்ட்ரிய ஜனதாதளத்தின் தலைவரும், திரு. லாலுவின் மகனுமான திரு. தேஜஸ்வி யாதவ் பொறுப்பேற்றுக் கொண்டார்.