இந்தியாவில் கொரோனா தினசரி பாதிப்பு எண்ணிக்‍கை இன்றும் 16 ஆயிரத்தை கடந்து பதிவாகியுள்ளதாகவும், தலைநகர் டெல்லியில் நாள்தோறும் 2 ஆயிரத்துக்‍கும் அதிகமானோர் தொற்றுக்‍கு ஆளாவதாகவும் மத்திய சுகாதாரத்துறை தெரிவித்துள்ளது.

நாடு முழுவதும் கடந்த 24 மணி நேரத்தில் 16 ஆயிரத்து 299 பேருக்‍கு புதிதாக கொரோனா தொற்று ஏற்பட்டுள்ளது. இதன் மூலம், கொரோனா பாதிப்பு மொத்த எண்ணிக்கை 4 கோடியே 42 லட்சத்து 6 ஆயிரத்து 996-ஆக உயர்ந்துள்ளது. கடந்த 24 மணி நேரத்தில் 54 பேர் வைரஸ் தொற்றுக்‍கு மரணமடைந்துள்ளதாகவும், இதன் மூலம் கொரோனா மொத்த பலி எண்ணிக்‍கை 5 லட்சத்து 26 ஆயிரத்து 879-ஆக அதிகரித்துள்ளதாகவும் மத்திய சுகாதாரத்துறை அமைச்சகம் கூறியுள்ளது. 1 லட்சத்து 25 ஆயிரத்து 76 பேர் மருத்துவமனைகளில் கொரோனாவுக்‍கு சிகிச்சை பெற்று வருவதாகவும், இதுவரை 4 கோடியே 35 லட்சத்து 55 ஆயிரத்து 41 பேர் கொரோனா தொற்றிலிருந்து குணமடைந்துள்ளதாகவும், நேற்று ஒரேநாளில் 19 ஆயிரத்து 431 பேர் தொற்றிலிருந்து மீண்டுள்ளதாகவும் தெரிவிக்‍கப்பட்டுள்ளது. இன்று காலை 8 மணி நிலவரப்படி, நாடு முழுவதும் 207 கோடியே 29 லட்சத்து 46 ஆயிரத்து 593 டோஸ் கொரோனா தடுப்பூசிகள் போடப்பட்டுள்ளதாக மத்திய சுகாதாரத்துறை கூறியுள்ளது.