டெல்லி மாநகராட்சி தேர்தலில் ஆம் ஆத்மி தொடர்ந்து முன்னிலை வகித்து வருகிறது. 107 வார்டுகளில் வெற்றி பெற்றுள்ள ஆம் ஆத்மி 25 வார்டுகளில் முன்னிலையில் உள்ளது.

250 வார்டுகளுக்கான டெல்லி மாநகராட்சி தேர்தல் கடந்த 4ம் தேதி நடைபெற்றது. 50 சதவீத வாக்‍குகளே இந்த தேர்தலில் பதிவானது. இந்நிலையில், இன்று காலை 8 மணி முதல் வாக்‍கு எண்ணிக்‍கை நடைபெற்று வருகிறது. வாக்‍கு எண்ணும் மையங்களில் பலத்த பாதுகாப்பு போடப்பட்டுள்ளது. மேலும் முடிவுகளை நேரடியாக தெரிந்துகொள்ள "நிகம் சுனாவ் டெல்லி" என்ற மொபைல் ஆப்பை தேர்தல் ஆணையம் அறிமுகம் செய்துள்ளது.

இந்நிலையில், வாக்‍கு எண்ணிக்‍கையில் ஆம் ஆத்மி தொடர்ந்து முன்னிலை வகித்து வருகிறது. 107 வார்டுகளில் வெற்றி பெற்றுள்ள அக்‍கட்சி 25 வார்டுகளில் முன்னணியில் உள்ளது. 85 இடங்களில் வெற்றி பெற்றுள்ள பா.ஜ.க., 20 வார்டுகளில் முன்னணியில் உள்ளது. இதன்மூலம் 15 ஆண்டுகளாக பா.ஜ.க.விடமிருந்த டெல்லி மாநகராட்சி ஆம் ஆத்மி வசமாகி வருகிறது.