நாகாலாந்தில் கட்டப்பட்ட, ஆசியாவிலேயே மிகப்பெரிய தேவாலயம் பொதுமக்களின் பயன்பாட்டுக்கென திறக்கப்பட்டுள்ளது.

நாகாலாந்து மாநிலத்தின் Zunheboto நகரில் ஆசியாவின் மிகப்பெரிய தேவாலயமான சுமி பாப்டிஸ்ட் தேவாலயம் கட்டப்பட்டுள்ளது. சுமார் 36 கோடி ரூபாய் மதிப்பில் கடந்த 10 ஆண்டுகளாக கட்டப்பட்டு வந்த தேவாலயம் பொதுமக்களின் பயன்பாட்டுக்கு திறக்கப்பட்டது. கடல் மட்டத்திலிருந்து ஆயிரத்து 865 மீட்டர் உயரத்தில் அமைந்துள்ள இந்த தேவாலயம், 203 அடி நீளமும், 153 அடி அகலமும், 166 அடி உயரமும் கொண்டுள்ளது. 27 அறைகளுடன் கட்டப்பட்டுள்ள இந்த தேவாலயத்தில் ஒரே நேரத்தில் 8 ஆயிரத்து 500 பேர் அமர்ந்து பிரார்த்தனை செய்ய வசதியாக இருக்கைகள் அமைக்கப்பட்டுள்ளன. மேலும், ஒன்றறை கிலோ மீட்டர் தூரம் வரை ஓசை கேட்கும் அளவுக்கு, 500 கிலோ எடையில் தேவாலய மணி பொறுத்தப்பட்டுள்ளது. இந்த மணி போலந்து நாட்டில் இருந்து 15 லட்சம் ரூபாய்க்கு வாங்கப்பட்டுள்ளது கூடுதல் சிறப்பாகும். இந்நிலையில், ஆசியாவின் மிகப்பெரிய தேவாலயத்தில் பிரார்த்தனை செய்யும் மகிழ்ச்சியுடன் பக்தர்கள் சுமி பாப்டிஸ்ட் தேவாலயத்திந்கு வந்து செல்கின்றனர்.