இட ஒதுக்கீடு கேட்டு தொடர் போராட்டம் நடத்தி வரும் Jat சமூகத்தினர், ராஜஸ்தான் மாநிலம் Bharatpur-ல் ரயில் மறியல் போராட்டத்தில் ஈடுபட்டுள்ளதால், டெல்லி-மும்பை ரயில் தடத்தில் சுமார் 100 ரயில்களின் சேவைகள் பாதிக்கப்பட்டுள்ளன.

ஹரியானா மாநிலத்தில் பெரும்பான்மையாக உள்ள Jat சமூகத்தினர், தங்களை இதர பிற்படுத்தப்பட்டோர் பட்டியலில் சேர்த்து, மாநில அரசின் வேலை வாய்ப்புகளில் இட ஒதுக்கீடு வழங்க வேண்டும் என கோரிக்கை விடுத்து தொடர் போராட்டம் நடத்தி வருகின்றனர்.

இதேபோல், ராஜஸ்தான் மாநிலத்திலும் Jat சமூகத்தினர், தங்களை இதர பிற்பட்டோர் பட்டியலில் சேர்க்க வேண்டும் என்று இடஒதுக்கீடு கேட்டு போராட்டத்தில் ஈடுபட்டனர். இப்போராட்டத்தில், Alwar-Mathura இடையேயான ரயில் பாதையில் தடுப்புகளை அமைத்து அவர்கள் மறியல் செய்தனர். இதேபோன்று, Agra-Bandikui ரயில் பாதையிலும் மறியல் போராட்டத்தில் ஈடுபட்டனர். டெல்லி-மும்பை இரயில் பாதைகளின் கோட்டா மற்றும் ஆக்ரா பிரிவுகளில், ஆறு வெவ்வேறு இடங்களில் ஜாட் சமூகத்தினர் போராட்டத்தில் ஈடுபட்டுள்ளனர். இதனால், டெல்லி-மும்பை வழித்தடத்தில் சுமார் 100 ரயில்களின் சேவை பாதிக்கப்பட்டுள்ளது. இதனால், ரயில் பயணிகள் பெரும் சிரமத்திற்கு ஆளாகினர்.

சட்டம்-ஒழுங்கை பராமரிக்க போலீசார் மற்றும் பாதுகாப்பு படையினர் போராட்டம் நடைபெறும் இடத்திற்கு விரைந்து சென்றனர். இதனிடையே, OBC ஆணையம், இன்று தனது அறிக்கையை மாநில அரசிடம் சமர்ப்பித்துள்ளதால், ஜாட் சமூகத்தினர் இப்போராட்டத்தைக் கைவிட வேண்டும் என சமூக நீதி மற்றும் சிறுபான்மையினர் நலத்துறை அமைச்சர் அருண் சதுர்வேதி கேட்டுக்கொண்டுள்ளார்.