ஜம்மு காஷ்மீர் மாநிலத்தில் பயங்கரவாத நடவடிக்கைகளுக்காக தேர்வு செய்யப்படும் நபர்களின் எண்ணிக்கையைவிட, சுட்டுக்கொல்லப்பட்ட தீவிரவாதிகளின் எண்ணிக்கை தற்போது அதிகரித்திருப்பதாக பாதுகாப்புத்துறை வட்டாரங்கள் தெரிவித்துள்ளன.

பாகிஸ்தானில் இருந்தும், பாகிஸ்தான் ஆக்கிரமிப்பு காஷ்மீரில் இருந்தும், காஷ்மீர் வழியாக இந்திய எல்லைக்குள் தீவிரவாதிகள் தொடர்ந்து ஊடுருவல் முயற்சிகளில் ஈடுபட்டு வருகின்றனர். மேலும், காஷ்மீரில் செயல்படும் பயங்கரவாத அமைப்புகளுக்கு இளைஞர்களும் தேர்வு செய்யப்பட்டு வருகின்றனர். இவற்றுக்கு எதிராக ராணுவத்தினரும், பாதுகாப்புப் படையினரும் கடும் நடவடிக்கைகளை மேற்கொண்டு வருகின்றனர். இதன் பலனாக இந்த ஆண்டில் இதுவரை பயங்கரவாத அமைப்புகளுக்கு தேர்வு செய்யப்பட்டிருக்கும் ஆட்களின் எண்ணிக்கையைவிட, பாதுகாப்புப் படையினரால் சுட்டுக்கொல்லப்பட்ட தீவிரவாதிகளின் எண்ணிக்கை அதிகரித்திருப்பதாக தெரிவித்தார். கடந்த 6 மாதங்களில் 71 பேர் பயங்கரவாத அமைப்புகளில் சேர்ந்திருக்கும் நிலையில், 132 தீவிரவாதிகள் சுட்டுக்கொல்லப்பட்டிருப்பதாக உளவுத்துறை புள்ளிவிவரம் தெரிவிக்கிறது.