கோவா முதலமைச்சர் மனோகர்பாரிக்கர் போட்டியிடும் பனாஜி உள்ளிட்ட தொகுதிகளில் இடைத்தேர்தல் - மக்கள் ஆர்வத்துடன் வாக்களிப்பு
Aug 23 2017 11:07AM
எழுத்தின் அளவு:
அ +
அ -
அ
டெல்லி உள்ளிட்ட மூன்று மாநிலங்களில் உள்ள நான்கு சட்டசபை தொகுதிகளில் இன்று இடைத்தேர்தல் நடைபெற்று வருகிறது. பனாஜி தொகுதியில் கோவா முதலமைச்சர் திரு.மனோகர் பாரிக்கர் போட்டியிட்டுள்ளார்.
டெல்லி மாநிலம் பவானா, ஆந்திரா மாநிலம் நந்தயால், கோவா மாநிலம் வால்பாய், பனாஜி ஆகிய நான்கு சட்டசபை தொகுதிகளுக்கான இடைத்தேர்தல் இன்று நடைபெற்று வருகிறது. இதில் கோவா மாநிலம் பனாஜி இடைத்தேர்தலில் அம்மாநில முதலமைச்சர் திரு.மனோகர் பாரிக்கர் போட்டியிட்டுள்ளார். இதற்காக வாக்குசாவடியில் மக்களுடன் வரிசையில் நின்ற திரு.மனோகர் பாரிக்கர், தனது வாக்கை பதிவு செய்தார்.
இதேபோல் மற்ற மூன்று மாநிலங்களில் உள்ள சட்டசபை தொகுதிகளில் நடைபெற்று வரும் இடைத்தேர்தலில், வாக்காளர்கள் நீண்ட வரிசையில் காத்திருந்து, வாக்களித்து வருகின்றனர். இடைத்தேர்தலையொட்டி, வாக்குச்சாவடி மையங்களில் பாதுகாப்பு பலப்படுத்தப்பட்டுள்ளது.