வடமாநிலங்களில் கட்டட விபத்துகள் தொடர்கதையாகிவரும் நிலையில், மஹாராஷ்ட்ரா மாநிலத்தில் அடுக்‍குமாடி குடியிருப்பு கட்டடம் ஒன்று இடிந்து விழுந்த விபத்தில் ஒருவர் பலியானார். 3 பேர் காயமடைந்துள்ளனர்.

மஹாராஷ்ட்ரா மாநிலம், தானே மாவட்டத்தின் பிவண்டி பகுதியில் உள்ள 3 மாடி குடியிருப்பு கட்டடம் ஒன்று இடிந்து விழுந்தது. இன்று காலை 9 மணியளவில் நடைபெற்ற இந்த விபத்தில், கட்டட இடிபாடுகளில் சிக்‍கி ஒருவர் உயிரிழந்தார். 3 பேர் காயமடைந்துள்ளனர். பலர் இடிபாடுகளில் சிக்‍கியுள்ளதாக தகவல் வெளியாகிவுள்ளது. தகவலறிந்து சம்பவ இடத்திற்கு விரைந்த மீட்புக்‍குழுவினர், காயமடைந்தவர்களை உடனடியாக மருத்துவமனையில் அனுமதித்தனர். இடிபாடுகளில் சிக்‍கியுள்ளவர்களை மீட்க தீவிர நடவடிக்‍கை மேற்கொண்டு வருகின்றனர். வடமாநிலங்களில் தொடர்ந்து நடைபெறும் கட்டட விபத்துகள், அங்குள்ள மக்‍களை அச்சத்தில் ஆழ்த்தியுள்ளது. இதனிடையே, டெல்லியின் தைமூர் நகரில் ஒரு கட்டடம் இடிந்து விபத்துக்‍குள்ளானது. இதில், அதிர்ஷ்டவசமாக உயிர் சேதம் இல்லை என்று தெரிவிக்‍கப்பட்டுள்ளது.