ஸ்டெர்லைட் ஆலை வழக்‍கிலிருந்து நீதிபதி திரு.சசிதரன் விலகியதைத் தொடர்ந்து, நீதிபதிகள் சிவஞானம், பவானி சுப்பராயன் ஆகியோர் அடங்கிய அமர்வுக்‍கு வழக்‍கு மாற்றம் செய்யப்பட்டுள்ளது.

தூத்துக்‍குடி ஸ்டெர்லைட் ஆலை, சுற்றுச்சூழலுக்‍கு ஆபத்தை விளைவிப்பதாக எழுந்த புகாரை அடுத்து அந்நிறுவனம் மூடப்பட்டது. இதுதொடர்பான வழக்‍கு தற்போது சென்னை உயர்நீதிமன்றத்தில் நடைபெற்று வருகிறது. இந்த ஆலையை மீண்டும் திறக்‍க அனுமதிக்‍கக்‍கோரி வேதாந்தா நிறுவனம் சென்னை உயர்நீதிமன்றத்தில் வழக்‍கு தொடுத்தது. நீதிபதி திரு.சசிதரன் தலைமையிலான அமர்வு இதனை விசாரித்து வந்தது. இந்த நிலையில், இந்த அமர்வில் இடம்பெற்றுள்ள நீதிபதி திரு.சசிதரன் இந்த வழக்‍கை விசாரிக்‍க மறுத்ததோடு, அதிலிருந்து விலகுவதாகவும் திடீரென இன்று அறிவித்தார். வழக்‍கை வேறு அமர்வுக்‍கு மாற்றுமாறும் தலைமை நீதிபதிக்‍கு திரு.சசிதரன் பரிந்துரைத்திருந்தார். அதன்படி, உயர்நீதிமன்ற பதிவாளர் வெளியிட்டுள்ள அறிவிப்பில், ஸ்டெர்லைட் வழக்‍கு நீதிபதிகள் சிவஞானம், பவானி சுப்பராயன் ஆகியோர் அடங்கிய அமர்வுக்‍கு மாற்றம் செய்யப்பட்டுள்ளதாக தெரிவிக்‍கப்பட்டுள்ளது.