ஜி-7 மாநாட்டில் சிறப்பு விருந்தினராக பங்கேற்கும் பிரதமர் திரு. நரேந்திர மோடி, இரண்டு நாள் பயணமாக இன்று ஃபிரான்ஸ் புறப்பட்டு சென்றார்.

ஃபிரான்சில் வரும் 24-ம் தேதிமுதல் 26-ஆம் தேதி வரை ஜி7 நாடுகளின் 45-ஆவது உச்சி மாநாடு நடைபெறவுள்ளது. இதில் சிறப்பு அழைப்பாளராகப் பங்கேற்க வேண்டுமென்று ஃபிரான்ஸ் அதிபர் Emmanuel Macron, பிரதமர் திரு. நரேந்திர மோடிக்கு அழைப்பு விடுத்திருந்தார். அதனை பிரதமர் திரு. மோடி ஏற்றுக் கொண்டார்.

இதைத் தொடர்ந்து, ஜி-7 மாநாட்டில் சிறப்பு விருந்தினராக பங்கேற்கும் பிரதமர் திரு. நரேந்திர மோடி, டெல்லியில் இருந்து இன்று ஃபிரான்சுக்‍கு புறப்பட்டார். அவரை உயரதிகாரிகள் பலர் வழியனுப்பி வைத்தனர். இந்த பயணத்தின் போது ஃபிரான்ஸ் அதிபர் Emmanuel Macron மற்றும் பிரதமர் Edouard Philippe ஆகியோரை பிரதமர் திரு. மோடி சந்தித்து பேச்சுவார்த்தை நடத்தவுள்ளார்.

சர்வதேச அளவில் இந்தியா பொருளாதார ரீதியாக வலுவாக வளர்ந்து வரும் நிலையில்,ஜி7 மாநாட்டில் பிரதமர் திரு.மோடி பங்கேற்பதன் மூலம் சர்வதேச அளவில் இந்தியாவின் வளர்ச்சிக்கு அங்கீகாரம் கிடைத்திருப்பது குறிப்பிடத்தக்‍கது.