தாத்ரா மற்றும் நாகர் ஹாவேலி யூனியன் பிரதேசத்தின் ஆட்சியர் பதவி விலகுவதற்கு கூறியுள்ள காரணம் அனைவரின் கவனத்தையும் ஈர்த்துள்ளது.

தாத்ரா மற்றும் நாகர்ஹவேலி யூனியன் பிரதேசத்தில் மாவட்ட ஆட்சியராக பணிபுரிந்த ஐ.ஏ.எஸ் அதிகாரி கண்ணன் கோபிநாதன், கடந்த ஆண்டு கேரள வெள்ளத்தின் தாத்ரா - நாகர் ஹவேலி அரசு சார்பில் ஒதுக்கப்பட்ட நிவாரண நிதியை கேரள முதலமைச்சரிடம் ஒப்படைப்பதற்காக கேரளா வந்திருந்தார். அப்போது மக்களுடன் மக்களாக களத்தில் நின்ற ஐ.ஏ.எஸ் அதிகாரிக்கு சமூக வலைதளங்களில் பாராட்டுகள் குவிந்தன. தற்போது ஐ.ஏ.எஸ் அதிகாரி கண்ணன் கோபிநாதன் தனது பதவியை ராஜினாமா செய்ய முடிவெடுத்து விலகல் கடிதத்தை சமர்பித்துள்ளார். தற்போது தாத்ரா மற்றும் நாகர்ஹவேலி யூனியன் பிரதேச அரசில், எரிசக்தி, நகர்புற மேம்பாடு மற்றும் வேளாண் துறை செயலராக கண்ணன் கோபிநாதன் பதவி வகித்து வருகிறார். தான் வகிக்கும் பதவியால் காஷ்மீர் போன்ற விவகாரங்களில், கருத்துகளை சுதந்திரமாக வெளியிட முடியவில்லை எனக் கருதிய கண்ணன் கோபிநாதன் ராஜினாமா செய்ய முடிவெடுத்துள்ளார்.