சீனாவுடனான இந்திய உறவு புதிய பாதையில் உத்வேகத்துடன் செல்கிறது : பிரதமர் நரேந்திர மோடி
Nov 14 2019 3:15PM
எழுத்தின் அளவு:
அ +
அ -
அ
சீனாவுடனான இந்திய உறவு புதிய பாதையில், உத்வேகத்துடன் செல்வதாக பிரதமர் திரு. நரேந்திர மோடி தெரிவித்துள்ளார்.
பிரிக்ஸ் மாநாட்டில் பங்கேற்க பிரசில் சென்றுள்ள பிரதமர் திரு. மோடி, பிரேசிலியா நகரில், சீன அதிபர் ஷி ஜின்பிங்கை சந்தித்தார். கடந்த மாதம் 11, 12 ஆகிய தேதிகளில், சென்னையில் இரு தலைவர்களும் சந்தித்து பேசிய நிலையில், மீண்டும் மோடி - ஜின்பிங் சந்திப்பு நிகழ்ந்தது. இந்த சந்திப்பின் போது, இருதரப்பு உறவு குறித்து தலைவர்கள் ஆலோசனை நடத்தினர்.
தங்களை முதன்முதலில் பிரசிலில் சந்தித்ததாக சீன அதிபர் ஷி ஜின்பிங்கிடம் தெரிவித்த பிரதமர் மோடி, தெரியாத நபர்களுக்கு இடையிலான பயணம், தற்போது நெருங்கிய நட்பாக வளர்ந்துள்ளதாகவும், கடந்த 5 ஆண்டுகளில், இந்திய-சீன நாடுகளுக்கு இடையிலான நட்பு நம்பிக்கைக்குரியதாக மாறியுள்ளதாகவும் கூறினார். சீனாவுடனான இந்திய உறவு புதிய பாதையில், உத்வேகத்துடன் செல்வதாகவும் பிரதமர் மோடி மகிழ்ச்சி தெரிவித்தார்.