கேரளாவில் மாவணர் அமைப்பினர் மீது போலீசார் தாக்‍குதல் நடத்தியதை கண்டித்து சட்டமன்றத்தில் இன்று 2-வது நாளாக எதிர்க்‍கட்சி எம்.எல்.ஏக்‍கள் அவையை புறக்‍கணித்து போராட்டத்தில் ஈடுபட்டனர்.

கேரள மாநிலம் வாளையாறு பகுதியில் கடந்த 2017 ஆம் ஆண்டு இரண்டு சிறுமிகள் பாலியல் ரீதியாக துன்புறுத்தப்பட்டு, கொலை செய்யப்பட்டனர். இந்த வழக்‍கு விசாரணை கடந்த இரண்டு ஆண்டுகளாக தொடர்ந்து நடைபெற்று வருகிறது. இந்த வழக்‍கை சிபிஐ விசாரணை கோரி கேரள மாணவர் சங்கம் சார்பில் அண்மையயில் போராட்டம் நடைபெற்றது. இந்த போராட்டத்தின் போது போலீசாருக்‍கும் மாணவர்களுக்‍கும் இடையே மோதல் ஏற்பட்டது. இதில் பல்வேறு மாணவர்கள் காயமடைந்தனர். இதனை கண்டித்து கேரள சட்டமன்றத்தில் எதிர்க்‍கட்சி எம்.எல்.ஏக்‍கள் நேற்று அவையில் பதாகைகளை ஏந்தியும், ரத்தம் படித்த சட்டைகளுடனும் ஆர்ப்பாட்டத்தில் ஈடுபட்டனர். இதேபோன்று இதே கோரிக்‍கையை வலியுறுத்தி இன்று எதிர்க்‍கட்சி எம்.எல்.ஏக்‍கள் ஒட்டுமொத்தமாக அவையை புறக்‍கணித்து போராட்டத்தில் ஈடுபட்டு வருகின்றனர். இதனால் கேரள சட்டமன்றத்தில் அவை அலுவலல்கள் முடங்கும் சூழல் ஏற்பட்டுள்ளது.