ஜனவரி 10-ம் தேதிக்கு முன்னதாக டெல்லிக்கு தேர்தல் : நிலுவை திட்டங்களை நிறைவேற்ற கெஜ்ரிவால் தீவிரம்
Dec 7 2019 4:04PM
எழுத்தின் அளவு:
அ +
அ -
அ
டெல்லி சட்டசபைக்கு அடுத்த மாதம் 10-ம் தேதிக்குள் தேர்தல் நடைபெற வாய்ப்பிருப்பதாக தகவல்கள் வெளியாகியுள்ளன.
கடந்த 2015-ம் ஆண்டு நடைபெற்ற டெல்லி சட்டசபை தேர்தலில், ஆம் ஆத்மி கட்சி பெருவாரியான தொகுதிகளில் வெற்றி பெற்று, அரவிந்த் கெஜ்ரிவால் முதலமைச்சரானார். அவரது பதவிகாலம் வரும் அடுத்த ஆண்டு பிப்ரவரி மாதம் 14-ம் தேதியுடன் முடிவடைகிறது. இதையடுத்து ஜனவரி 10-ம் தேதிக்குள், டெல்லி சட்டசபைக்கு தேர்தல் தேதி அறிவிக்க வாய்ப்புள்ளதாக, தேர்தல் ஆணைய வட்டாரங்கள் தெரிவிக்கின்றன. சட்டசபை தேர்தல் நெருங்கி வருவதையடுத்து, மீண்டும் ஆட்சியை பிடிக்க, முதலமைச்சர் கெஜ்ரிவால் நிலுவையில் உள்ள திட்டங்களை, வரும் 16-ம் தேதிக்குள்ளாக நிறைவேற்ற தீவிரம் காட்டி வருகிறார்.