கடந்த ஆண்டுடன் ஒப்பிடுகையில், வாகன விற்பனை 12 சதவீதம் வரை சரிவு - தேசிய வாகன உற்பத்தியாளர்கள் சங்கம் கவலை
Dec 10 2019 8:41PM
எழுத்தின் அளவு:
அ +
அ -
அ
கடந்த ஆண்டுடன் ஒப்பிடுகையில், வாகன விற்பனை 12 சதவீதம் வரை சரிந்துள்ளதாக, தேசிய வாகன உற்பத்தியாளர்கள் சங்கம் கவலை தெரிவித்துள்ளது.
பொருளாதார மந்தநிலை காரணமாக ஆட்டோமொபைல் விற்பனை கடும் சரிவை சந்தித்து வருகிறது. விற்பனை குறைவு காரணமாக, பல்வேறு நிறுவனங்களும், உற்பத்தியை அவ்வப்போது நிறுத்தி வைத்து வருகின்றன. தற்போது நவம்பர் மாதத்துக்கான வாகன விற்பனை குறித்த விவரங்களை தேசிய வாகன உற்பத்தியாளர்கள் சங்கம் அறிவித்துள்ளது. அதன்படி, கடந்த நவம்பர் மாதம் 17 லட்சத்து 92 ஆயிரம் வாகனங்கள் விற்பனையாகியுள்ளன. கடந்த ஆண்டை ஒப்பிடும்போது இது 12 சதவீதம் குறைவாகும். இதே போன்று இரு சக்கர வாகனங்கள் விற்பனையும் சரிவை சந்தித்துள்ளன. கடந்த ஆண்டு நவம்பர் மாதம் 16 லட்சத்து 45 ஆயிரம் இரு சக்கர வாகனங்கள் விற்பனையான நிலையில், இந்த ஆண்டு 14 லட்சம் வாகனங்கள் மட்டுமே விற்பனையாகியுள்ளன. பயணிகள் வாகனங்கள் விற்பனையும் 14.98 சதவீதம் சரிவை சரிவை சந்தித்துள்ளது.