கன்னியாகுமரி மாவட்டம் பள்ளியாடியில், மத நல்லிணக்‍கத்தை பறைசாற்றும் சமபந்தி விருந்து விழா நடைபெற்றது. இதில், மும்மதத்தினர் நூற்றுக்‍கணக்‍கானோர் கலந்துகொண்டனர்.

கன்னியாகுமரி மாவட்டம் பள்ளியாடி பகுதியில் பள்ளியப்பன் எனும் உருவமில்லாத கடவுளை மும்மத மக்களும் வணங்கும் திருத்தலம் அமைந்துள்ளது. சுமார் 500 ஆண்டுகளுக்கு மேல் பழமை வாய்ந்த இந்த திருத்தலத்தில் ஹிந்துக்கள் திருவிளக்கேற்றியும், கிறிஸ்தவர்கள் மெழுகுவர்த்தி ஏற்றியும், முஸ்லீம்கள் சாம்பிராணி பத்தி ஏற்றியும் வணங்குவது வழக்கம். இங்கு ஆண்டுதோறும் மார்ச் மாதம் மூன்றாம் திங்கள்கிழமை, மும்மத மக்களும் இணைந்து சர்வமத பிரார்த்தனை, சமபந்தி விருந்து போன்ற நிகழ்ச்சிகளை மேற்கொண்டு வருகின்றனர். இந்த ஆண்டு சர்வமத பிரார்த்தனை மற்றும் சமபந்தி விருந்து விழா இன்று நடைபெற்றது. விழாவில் கன்னியாகுமரி மாவட்டம் மட்டுமின்றி கேரளாவில் இருந்தும் இந்து, கிறிஸ்தவ, முஸ்லீம் மக்கள் பெரும் திரளாக ஒற்றுமையுடன் கொண்டனர்.