திருவாரூர் மாவட்டம் திருவிழிமழலை அருகே, பழமை வாய்ந்த பத்தினி அம்மன் - ஸ்ரீகாளியம்மன் கோயில் கும்பாபிஷேகம் வெகு விமரிசையாக நடைபெற்றது. இதில், தருமபுரம் மடாதிபதி உள்ளிட்டோர் பங்கேற்றனர்.

திருவாரூர் மாவட்டம் குடவாசல் ஒன்றியம், திருவிழிமழலை அடுத்த விளாகம் கிராமத்தில், பழமைவாய்ந்த பத்தினி அம்மன், ஸ்ரீகாளியம்மன், விநாயகர், முருகன் ஆலய அஷ்டபந்தன மகா கும்பாபிஷேகம் இன்று காலை நடைபெற்றது. பழமைவாய்ந்த இந்த ஆலயம் புதுப்பிக்கப்பட்டு, கும்பாபிஷேகம் நடத்துவதற்கான யாகசாலை பூஜைகள் நடைபெற்றன. நான்கு கால யாகசாலை பூஜைகள் நிறைவடைந்து, புனித நீர் அடங்கிய கடங்கள், மேளதாளங்கள் முழங்க ஊர்வலமாக எடுத்து வரப்பட்டு கோபுர கலசங்களுக்கு ஊற்றி கும்பாபிஷேகம் நடைபெற்றது. இந்நிகழ்ச்சியில் தருமபுர ஆதீன 27-வது மடாதிபதி ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரிய சுவாமிகள், சுசீந்திரா அறக்கட்டளை நிறுவனர் சவுந்தரராஜன் மற்றும் திரளான பக்தர்கள் பங்கேற்று வழிபாடு நடத்தினர்.