காஞ்சிபுரம் வரதராஜ பெருமாள் கோவிலில் வேதபாராயணம் பாடுவதில் முந்தைய நிலையே தொடர வேண்டுமென்று சென்னை உயர்நீதிமன்றம் உத்தரவிட்டுள்ளது.

பாலாற்றங்கரையில் பிரபந்தம் பாடுவதில் வடகலை மற்றும் தென்கலை பிரிவினர் வாக்குவாதம் ஏற்பட்டு அவை கைகலப்பாக மாறி ஒருவருக்கொருவர் தள்ளி தாக்கிக்கொண்டனர். இதனையடுத்து வரதராஜபெருமாள் கோவில் பிரமோற்சவத்தில் வடகலை பிரிவில் வேதபாராயணம் செய்ய இந்து சமய அறநிலையத்துறை அனுமதி மறுத்தது. தொடர்ந்து அறநிலையத்துறை ஆணையரின் உத்தரவை ரத்து செய்யக்கோரி சென்னை உயர்நீதிமன்றத்தில் வழக்கு தொடரப்பட்டது. இந்த வழக்கு நேற்று விசாரணைக்கு வந்தபோது, காஞ்சிபுரம் ஸ்ரீ வரதராஜ பெருமாள் கோவிலில் வேதபாராயணம் பாடுவதில் முந்தைய நிலையே தொடர வேண்டுமென சென்னை உயர்நீதிமன்றம் உத்தரவிட்டுள்ளது. வடகலை, தென்கலை பிரச்சனையை ஒழுங்குபடுத்த தமிழக அரசுக்கு அதிகாரம் உள்ளதாகவும், தென்கலை பிரிவினரை மட்டும் வேதபாராயணம் பாட அனுமதித்தது பாரபட்சமானது என்றும் நீதிமன்றம் கருத்து தெரிவித்துள்ளது.