திருநள்ளாறில் நடைபெறவுள்ள புகழ் பெற்ற சனீஸ்வரன் கோயில் பிரம்மோற்சவம் - கொடியேற்றத்துடன் கோலாகல தொடக்கம்
May 26 2022 12:48PM
எழுத்தின் அளவு:
அ +
அ -
அ
திருநள்ளாறு சனீஸ்வரன் கோயில் பிரம்மோற்சவ விழா, கொடியேற்றத்துடன் தொடங்கியது.
காரைக்காலை அடுத்த திருநள்ளாறில் அமைந்துள்ள சனீஸ்வரன் கோயிலில், வைகாசி விசாகத்தையொட்டி நடைபெறும் பிரம்மோற்சவ விழா, இன்று காலை கொடியேற்றத்துடன் தொடங்கியது. சிவாச்சாரியார்கள் வேத மந்திரங்கள் ஓத, மங்கள இசையுடன், கொடி மரத்தில் கொடியேற்றப்பட்டு, பிரம்மோற்சவம் தொடங்கியது. ஜூன் 9ஆம் தேதி தேரோட்டமும், 10ஆம் தேதி தங்க காக்கை வாகனத்தில் சனீஸ்வர பகவான் வீதி உலா நிகழ்ச்சியும் நடைபெறும். தங்க காக்கை வாகனத்தில் சனீஸ்வர பகவான் திருவீதி உலா வரும் நிகழ்வை, ஆண்டுக்கு ஒருமுறை பிரம்மோற்சவத்தின் போது மட்டுமே காண முடியும். தெப்போற்சவம், சண்டிகேசுவரர் உற்சவம் ஆகியவற்றை தொடர்ந்து, ஜீன் 13ஆம் தேதி, விசாக தீர்த்த நிகழ்ச்சியோடு பிரம்மோற்சவம் நிறைவு பெறும்.