அஇஅதிமுக பொதுச் செயலாளர் சின்னம்மா சார்பில் வழங்கப்பட்ட நாக வாகனத்தில் வீதியுலா வந்த ஸ்ரீ சமயபுரம் மாரியம்மன் - வழிபட்ட ஏராளமான பக்தர்கள்
May 25 2023 6:47PM
எழுத்தின் அளவு:
அ +
அ -
அ
ஸ்ரீவில்லிபுத்தூர் அருகே மம்சாபுரத்தில் புகழ்பெற்ற, அருள்மிகு ஸ்ரீ சமயபுரம் மாரியம்மன் கோயில் திருவிழாவிற்காக, அஇஅதிமுக பொதுச் செயலாளர் புரட்சித்தாய் சின்னம்மா சார்பில், நாக வாகனம் வழங்கப்பட்டது. வைகாசி மாத பொங்கல் திருவிழாவில் நடைபெறும் அம்மன் வீதியுலா நிகழ்ச்சிக்காக, அஇஅதிமுக பொதுச் செயலாளர் புரட்சித்தாய் சின்னம்மா சார்பில், மம்சாபுரத்தைச் சேர்ந்த மம்சை கணேசன், நாக வாகனத்தை வழங்கினார். இதையடுத்து, சின்னம்மா சார்பில் வழங்கப்பட்ட நாக வாகனத்தில், சமயபுரம் மாரியம்மனின் திருவீதியுலா, பேண்டு வாத்தியங்கள் முழங்க வெகு விமரிசையாக நடைபெற்றது. முன்னதாக கோயில் திருவிழாவையொட்டி, 200-க்கும் மேற்பட்ட பெண்கள் கலந்து கொண்ட திருவிளக்குப் பூஜையும் நடைபெற்றது.