திருச்செந்தூர் முருகன் கோயிலில் ஆவணி திருவிழாவையொட்டி திருத்தேரோட்ட நிகழ்ச்சி : பல்லாயிரக்கணக்கான பக்தர்கள் பங்கேற்று தேரை இழுத்தனர்
Aug 21 2017 11:53AM
எழுத்தின் அளவு:
அ +
அ -
அ
திருச்செந்தூர் முருகன் கோயிலில், ஆவணி திருவிழாவையொட்டி இன்று திருத்தேரோட்ட நிகழ்ச்சி நடைபெற்றது. இதில் பல்லாயிரக்கணக்கான பக்தர்கள் கலந்துகொண்டு தேரை வடம்பிடித்து இழுத்தனர்.
தமிழ்க்கடவுள் என போற்றப்படும் முருகப்பெருமானின் அறுபடை வீடுகளில் முக்கியமானதாக திகழும் திருச்செந்தூர் முருகன் கோயிலில், ஆண்டுதோறும் நடைபெறும் ஆவணித் திருவிழா மிகவும் பிரசித்திபெற்றதாகும். இந்த திருவிழாவின் 10ம் நாளான இன்று, முக்கிய நிகழ்வான திருத்தேரோட்டம் நடைபெற்றது. இதையொட்டி அதிகாலை 5 மணிக்கு கோயில் நடை திறக்கப்பட்டது. இதனைத் தொடர்ந்து விஸ்வரூப தரிசனமும், உதயமார்த்தாண்ட அபிஷேகமும் நடைபெற்றன. பின்னர் நடைபெற்ற பூஜை நிகழ்ச்சிகளைத் தொடர்ந்து, சுவாமி குமரவிடங்க பெருமாள்-வள்ளி தெய்வானையுடன் திருத்தேரில் வீதிவுலா வந்தார்.
இந்த நிகழ்ச்சியில் பல்லாயிரக்கணக்கான பக்தர்கள் கலந்துகொண்டு திருத்தேரை வடம்பிடித்து இழுத்தனர்.