மேல்மலையனூர் அங்காள பரமேஸ்வரி கோயிலில் நடைபெற்ற ஊஞ்சல் உற்சவ விழா - பல்வேறு மாநிலங்களில் இருந்து ஆயிரக்கணக்கான பக்தர்கள் வழிபாடு
Aug 22 2017 11:40AM
எழுத்தின் அளவு:
அ +
அ -
அ
விழுப்புரம் மாவட்டம் மேல்மலையனூர் அங்காள பரமேஸ்வரி கோயிலில் நடைபெற்ற ஊஞ்சல் உற்சவ விழாவில் ஆயிரக்கணக்கான பக்தர்கள் கலந்துகொண்டனர்.
விழுப்புரம் மாவட்டம் செஞ்சி அடுத்த மேல்மலையனூரில் அமைந்துள்ள பிரசித்திபெற்ற அங்காள பரமேஸ்வரி அம்மன் கோயிலில் ஆவணி மாத அமாவாசையொட்டி நேற்று நள்ளிரவு ஊஞ்சல் உற்சவ விழா வெகு விமரிசையாக நடைபெற்றது. சிறப்பு அபிஷேக ஆராதனைகளுக்குப் பின்னர், அம்மனுக்கு பட்டுச்சேலை உடுத்தி, நகைகளால் அலங்கரித்து ஊர்வலமாக அழைத்து வந்தனர். பின்னர், தாலாட்டு மண்டபத்தில் உள்ள தங்க ஊஞ்சலில் அம்மன் அமரவைக்கப்பட்டு தாலாட்டு பாடும் நிகழ்ச்சி நடைபெற்றது. இவ்விழாவில், தமிழகம் மட்டுமின்றி, ஆந்திரா, கர்நாடகா, கேரளா உள்ளிட்ட மாநிலங்களில் இருந்தும் ஆயிரக்கணக்கான பக்தர்கள் கலந்துகொண்டு அம்மனை வழிபட்டனர்.