108 வைணவ ஸ்தலங்களில் முதன்மையானதாதும், பூலோகவைகுண்டம் என்றழைக்கப்படும் ஸ்ரீரங்கம் ரெங்கநாதர் ஆலயத்திற்கு ஸ்ரீவில்லிபுத்தூர் ஆண்டாள் திருக்கோவிலிருந்து ஆண்டுதோறும் சித்திரை திருவிழாவின்போது ஸ்ரீரங்கம் நம்பருமாளுக்கு வஸ்திர மரியாதை செய்யும் வைபவம் நடத்தப்பட்டு வருவது வழக்கம். அதன்படி இன்று ஸ்ரீவில்லிபுத்தூர் ஆண்டாள் திருக்கோவிலிருந்து ஸ்ரீரங்கம் அரங்கநாதசுவாமிக்கும், உற்சவர் நம்பருமாளுக்கும் பட்டு வஸ்திரங்கள் மற்றும் அரங்கநாயகி தாயாருக்கும், நாச்சியார்களுக்கு பட்டுப்புடவைகள் வழங்கப்பட்டன. ​இதில் திரளான பக்தர்கள் கலந்து கொண்டனர்.

இதனிடையே, கன்னியாகுமரி மாவட்டம் சுசீந்திரம் அருகே அமைந்துள்ள புகழ் பெற்ற இடைவிடா சகாய மாதா திருத்தல ஆண்டு பெருவிழா கொடியேற்றத்துடன் தொடங்கியது. இதனைத்தொடர்ந்து நடைபெற்ற சிறப்புத் திருப்பலி மற்றும் ஆராதனையில் குமரி, நெல்லை, தூத்துக்குடி உள்ளிட்ட தென் மாவட்டங்களை சேர்ந்த ஏராளமான பக்தர்கள் கலந்து கொண்டனர்.