தமிழகம் முழுவதும் பல்வேறு கோயில்களில் நடைபெற்ற கும்பாபிஷேகம் மற்றும் திருவிழாக்‍களில் பல்லாயிரக்‍கணக்‍கான பக்‍தர்கள் கலந்துகொண்டு சுவாமி தரிசனம் செய்தனர்.

கன்னியாகுமரி மாவட்டத்தில் உள்ள பிரசித்திபெற்ற பகவதி அம்மன் கோவிலில் வைகாசி திருவிழாவின் முக்‍கிய நிகழ்ச்சியான தேரோட்டம் நடைபெற்றது. இதில் கன்னியாகுமரி மாவட்டம் மட்டுமின்றி அண்டை மாநிலமான கேரளாவில் இருந்தும் சுற்றுலாப் பயணிகள் ஏராளமானோர் வருகை தந்தனர்.

சென்னை ஆர்.கே.நகர் தொகுதி தண்டையார் நகரிலுள்ள வாசுதேவ பெருமாள் திருக்‍கோவில் நூதன அஷ்டபந்தன மஹா சம்ப்ரோக்‍ஷணம் வெகு விமரிசையாக நடைபெற்றது. இதில் ஏராளமான பக்‍தர்கள் கலந்து கொண்டு சுவாமி தரிசனம் செய்தனர்.

புதுச்சேரி அருகேயுள்ள வில்லியனூரில் சிறப்புமிக்‍க திருக்‍காமீஸ்வரர் கோயிலில் நடைபெற்ற தேர்த்திருவிழாவில் புதுச்சேரி துணைநிலை ஆளுநர் கிரண்பேடி, முதலமைச்சர் திரு. நாராயணசாமி உள்ளிட்டோர் கலந்துகொண்டு திருத்தேரை வடம்பிடித்து இழுத்தனர்.மேலும் இந்த திருவிழாவில் ஆயிரக்‍கணக்‍கான பக்‍தர்கள் கலந்து கொண்டு சுவாமி தரிசனம் செய்தனர்.