தூத்துக்குடியில் அமைந்துள்ள உலகப் புகழ்பெற்ற பனிமயாமாதா ஆலய திருவிழாவின் முக்கிய நிகழ்ச்சியான சப்பர தேர்பவனி விமரிசையாக நடைபெற்றது. இதில் ஜாதி, மத பேதமின்றி பல்லாயிரக்கணக்கான பக்தர்கள் கலந்து கொண்டனர்.

தூத்துக்குடியிலுள்ள பனிமயாமாதா ஆலயம் ரோம்நகரின் பசலிகா அந்தஸ்து பெற்ற ஆலயங்களில் ஒன்றாகும். உலகளவில் புகழ்பெற்ற இந்த ஆலயத்தில், ஆண்டுதோறும் திருவிழா சிறப்பாக கொண்டாடப்பட்டு வருகிறது. இதையடுத்து இந்த ஆண்டுக்கான திருவிழா நடைபெற்றுக் கொண்டிருக்கும் நிலையில், திருவிழாவின் முக்கிய நிகழ்ச்சியான சப்பர தேர்பவனி வெகுவிமரிசையாக நடைபெற்றது. வண்ண விளக்குகளாலும், மலர்களாலும் அலங்கரிக்கப்பட்ட சப்பர தேரில் மாதா எழுந்தருளி முக்கிய வீதிகளில் ஊர்வலமாக வந்து காட்சியருளினார். இதில் ஜாதி, மத பேதமின்றி ஆயிரக்கணக்கான பக்தர்கள் கலந்து கொண்டனர். மேலும் இலங்கை, இங்கிலாந்து, பிரான்ஸ், அமெரிக்கா போன்ற வெளிநாடுகளில் இருந்தும் திரளான பக்தர்கள் கலந்து கொண்டனர்.