அத்திவரதர் தரிசனம் இன்றுடன் நிறைவு பெறும் நிலையில், இதுவரை ஒரு கோடி பேர் தரிசனம் செய்துள்ளனர். இன்று நிறைவுநாள் என்பதால், விஐபி உள்ளிட்ட எவ்வித பாஸ்களும் செல்லாது என அறிவிக்கப்பட்டுள்ள நிலையில், பொது தரிசனத்திற்கு மட்டும் அனுமதி வழங்கப்பட்டுள்ளது.

காஞ்சிபுரம் வரதராஜப்பெருமாள் திருக்கோயிலில், அத்திவரதர் தரிசனம் கடந்த ஜூலை மாதம் 1 ஆம் தேதி தொடங்கி நடைபெற்று வருகிறது. 46வது நாளான நேற்று மட்டும், சுமார் 5 லட்சம் பக்தர்கள் வந்த நிலையில், இதுவரை ஒரு கோடிக்கும் மேலான பக்தர்கள் சுவாமி தரிசனம் செய்துள்ளனர். இன்று ஒருநாள் மட்டுமே அத்திவரதர் தரிசனம் நடைபெறும் என்பதால், ஏராளமான பக்தர்கள் நீண்ட வரிசையில் நின்று சுவாமி தரிசனம் செய்து வருகின்றனர். விஐபி உள்ளிட்ட எவ்வித பாஸ்களும் செல்லாது என அறிவிக்கப்பட்டுள்ள நிலையில், பொது தரிசனத்திற்கு மட்டும் அனுமதி வழங்கப்பட்டுள்ளது.

இதனையடுத்து, அத்திவரதரை அனந்தசரஸ் குளத்தில் நாளை மாலை அல்லது இரவு நேரத்தில்​வைப்பதற்கு அனைத்து ஏற்பாடுகளும் செய்யப்பட்டுள்ளன. பக்தர்கள் கூட்டம் அதிகரித்துக்கொண்டே இருப்பதால், பலத்த போலீஸ் பாதுகாப்பும் போடப்பட்டுள்ளது.