திருப்பதி கோவிலில் ரூ.10,000 நன்கொடை வழங்கினால் வி.ஐ.பி. தரிசனம் : தேவஸ்தானம் அறிவிப்பு
Oct 23 2019 12:26PM
எழுத்தின் அளவு:
அ +
அ -
அ
திருப்பதி கோவிலில் எந்தவித சிபாரிசு கடிதமும் இல்லாமல் பத்தாயிரம் ரூபாய் நன்கொடை வழங்கினால் வி.ஐ.பி. தரிசனத்தில் பக்தர்கள் அனுமதிக்கப்படுவார்கள் என்று அறிவிக்கப்பட்டுள்ளது.
இதுகுறித்து செய்தியாளர்களிடம் பேசிய திருப்பதி தேவஸ்தான கூடுதல் செயல் அதிகாரி தர்மாரெட்டி, தேவஸ்தானத்தின் ஸ்ரீ வெங்கடேஷ்வரா ஆலய நிர்மான அறக்கட்டளைக்கு தலா 10 ஆயிரம் ரூபாய் நன்கொடை வழங்கும் பக்தர்களுக்கு தலா ஒரு வி.ஐ.பி தரிசன டிக்கட் வழங்கப்படும் என்று கூறினார். பத்தாயிரம் ரூபாய் நன்கொடையோடு, விஐபி தரிசனத்திற்கான 500 ரூபாய் டிக்கெட்டையும் பெற்றால், காலையில் விஐபி தரிசனத்தில் சுவாமி தரிசனம் செய்யலாம் என்று அவர் குறிப்பிட்டார். விரைவில் ஆன்லைன் மூலமாக நன்கொடை செலுத்தி டிக்கெட் பெறும் முறை அமல்படுத்தப்படும் என்றும் தர்மா ரெட்டி தெரிவித்தார்.