கொரோனா பீதி காரணமாக ரசிகர்களின்றி நடத்தப்பட்ட ஆஸ்திரியா கிராண்ட்பிரி கார் பந்தயத்தில், பின்லாந்து வீரர் Valtteri Bottas முதலிடம் பிடித்தார்.

இந்த ஆண்டுக்கான Formula One கார்பந்தயம் ஆஸ்திரியா நாட்டில், நேற்று தொடங்கியது. ஆஸ்திரியா கிராண்ட்பிரி என்ற பெயரில் அங்குள்ள ஸ்பில்பேர்க் ஓடுதளத்தில் நடக்கும் இந்த போட்டியில் 10 அணிகளைச் சேர்ந்த இங்கிலாந்து வீரர் லீவிஸ் ஹாமில்டன் உள்ளிட்ட 20 வீரர்கள் பங்கேற்றுள்ளனர். இதன் பந்தய தூரம் 306 கிலோமீட்டர் ஆகும். கொரோனா பீதியால் ரசிகர்களுக்கு அனுமதி அளிக்‍கப்படவில்லை. குறைந்த எண்ணிக்கையிலான ஊடகத்தினர் மற்றும் அணிகளைச் சேர்ந்த நிர்வாகிகள், பாதுகாப்பு குழுவினர் மட்டுமே ஸ்டேடியத்திற்குள் அனுமதிக்கப்பட்டனர். இந்த பந்தயத்தின் முதல் சுற்றில், Mercedes அணிக்‍காக களமிறங்கிய பின்லாந்து வீரர் Valtteri Bottas, அதிவேகமாக பந்தய தூரத்தை கடந்து முதலிடம் பிடித்தார். 2-வது இடத்தை மொனாக்கோ நாட்டின் Charles Leclerc-ம், 3-ம் இடத்தை பிரிட்டன் வீரர் Lando Norris-ம் பிடித்தனர். பெரிதும் எதிர்பார்க்‍கப்பட்ட Lewis Hamilton 4-ம் இடத்திற்கு தள்ளப்பட்டார்.