பாகிஸ்தானுக்கு எதிரான முதல் டெஸ்ட் கிரிக்கெட் : 3 விக்கெட்டுகள் வித்தியாசத்தில் இங்கிலாந்து வெற்றி
Aug 9 2020 4:17PM
எழுத்தின் அளவு:
அ +
அ -
அ
பாகிஸ்தான் அணிக்கு எதிரான முதல் டெஸ்ட் கிரிக்கெட் போட்டியில். இங்கிலாந்து அணி 3 விக்கெட்டுகள் வித்தியாசத்தில் வெற்றி பெற்றது.
இங்கிலாந்து-பாகிஸ்தான் அணிகள் இடையிலான முதலாவது டெஸ்ட் கிரிக்கெட் போட்டி மான்செஸ்டரில் நடைபெற்றது. பாகிஸ்தான் முதல் இன்னிங்சில் 326 ரன்களும், இங்கிலாந்து அணி 219 ரன்களுக்கு எடுத்தன.
107 ரன்கள் முன்னிலையுடன் பாகிஸ்தான் 2-வது இன்னிங்சில் விளையாடியது. இங்கிலாந்தின் பந்துவீச்சை சமாளிக்க முடியாமல் விக்கெட்டுகள் மளமளவென சரிந்ததால், 169 ரன்களில் பாகிஸ்தான் ஆட்டமிழந்தது. இதையடுத்து, 277 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி, 117 ரன்களுக்கு 5 விக்கெட்டுகளை இழந்து தடுமாறியது. பின்னர் ஜோடி சேர்ந்த கிறிஸ் வோக்ஸ், ஜோஸ் பட்லர் இணை, சிறப்பான ஆட்டத்தை வெளிப்படுத்தி, வெற்றி பாதைக்கு அழைத்துச் சென்றது. இதனால், இங்கிலாந்து அணி 7 விக்கெட் இழப்புக்கு 277 ரன்கள் எடுத்து வெற்றி பெற்றது. ஆட்ட நாயகனாக கிறிஸ் வோக்ஸ் தேர்வு செய்யப்பட்டார்.