இன்று தொடங்குகிறது ஐ.பி.எல்., கிரிக்கெட் திருவிழா : முதல் போட்டியில் மும்பை - சென்னை அணிகள் பலப்பரீட்சை
Sep 19 2020 10:48AM
எழுத்தின் அளவு:
அ +
அ -
அ
13-வது ஐ.பி.எல்., கிரிக்கெட் தொடர், ஐக்கிய அரபு அமீரகத்தில் இன்று தொடங்க உள்ளது. அபுதாபியில் நடைபெறும் முதல் போட்டியில், நடப்பு சாம்பியன் மும்பை அணியை, சென்னை அணி எதிர்கொள்கிறது.
இந்தியாவில், ஏப்ரல் - மே மாதங்களில் நடைபெறவிருந்த 13-வது ஐ.பி.எல்., டி20 கிரிக்கெட் தொடர், கொரோனா வைரஸ் அச்சம் காரணமாக, ஐக்கிய அரபு அமீரகத்திற்கு மாற்றப்பட்டது. இதையடுத்து, ஐக்கிய அரபு அமீரகத்தின் துபாய், ஷார்ஜா, அபுதாபி ஆகிய நகரங்களில், வரும் 19-ம் தேதி முதல் போட்டிகள் தொடங்கி நடைபெற உள்ளன.
கொரோனா தொற்று காரணமாக, பல்வேறு முன்னேற்பாடுகளுடன் ஐ.பி.எல்., கிரிக்கெட் தொடர் நடைபெற உள்ளது. எட்டு அணிகளின் வீரர்களும் தனிமைப்படுத்திக் கொண்ட பிறகு பயிற்சியில் ஈடுபட்டு வருகின்றனர். இந்நிலையில், 13-வது ஐபிஎல் கிரிக்கெட் தொடர் ஐக்கிய அரபு அமீரகத்தில் இன்று பிரம்மாண்டமாக தொடங்க உள்ளது. அபுதாபியில் நடைபெறும் முதல் போட்டியில், நடப்பு சாம்பியன் மும்பை அணியை, சென்னை அணி எதிர்கொள்கிறது. இந்திய நேரப்படி இரவு 7.30 மணிக்கு போட்டி தொடங்குகிறது.
இதனிடையே, இந்த ஆண்டுக்கான ஐ.பி.எல். சீசன், பார்வையாளர்கள் இன்றி நடப்பதால், ஒவ்வொரு போட்டியும் கிரிக்கெட் வீரர்களுக்கு சவால் நிறைந்ததாக இருக்கும் என கிரிக்கெட் விமர்சகர் திரு. ராமசுந்தரம் தெரிவித்துள்ளார்.