ஐ.சி.சி. டெஸ்ட் தரவரிசை பட்டியல் வெளியீடு - இந்திய கிரிக்கெட் அணி தொடர்ந்து முதல் இடத்தில் நீடிப்பு
May 14 2021 10:00AM
எழுத்தின் அளவு:
அ +
அ -
அ
ஐ.சி.சி. டெஸ்ட் தரவரிசை பட்டியலில் இந்திய கிரிக்கெட் அணி தொடர்ந்து முதல் இடத்தில் நீடிக்கிறது.
சர்வதேச கிரிக்கெட் கவுன்சிலின் டெஸ்ட் தரவரிசை பட்டியல் நேற்று வெளியானது. ஆண்டுதோறும் வெளிவரும் இந்த பட்டியலில், 121 புள்ளிகள் பெற்று இந்தியா தொடர்ந்து முதல் இடத்தில் உள்ளது. 120 புள்ளிகள் பெற்று நியூசிலாந்து அணி இரண்டாவது இடத்தில் உள்ளது. இந்த தரவரிசையில் ஆஸ்திரேலியாவை பின்னுக்கு தள்ளி 109 புள்ளிகளுடன் இங்கிலாந்து அணி 3-வது இடம் பிடித்துள்ளது. 108 புள்ளிகளுடன் ஆஸ்திரேலியா 4-வது இடத்திலும், 94 புள்ளிகள் பெற்று பாகிஸ்தான் 5-வது இடத்திலும், மேற்கிந்திய தீவுகள் அணி 84 புள்ளிகள் பெற்று 6-வது இடத்திலும் உள்ளன. அதே போன்று, தென்ஆப்பிரிக்கா 80 புள்ளிகளுடன் 7-வது இடத்திலும், இலங்கை 78 புள்ளிகளுடன் 8-வது இடத்திலும், வங்கதேசம் 46 புள்ளிகளுடன் 9-வது இடத்திலும், ஜிம்பாப்வே 35 புள்ளிகளுடன் 10-வது இடத்திலும் உள்ளன.