அஃப்கானிஸ்தான் கிரிக்கெட் அணியின் கேப்டன் பதவியை ரஷித் கான், திடீரென ராஜினாமா செய்துள்ளார்.

20 ஓவர் உலக்கோப்பை தொடருக்கான அஃப்கானிஸ்தான் அணியை அந்நாட்டு கிரிக்கெட் வாரியம் நேற்று அறிவித்தது. கேப்டனாக ரஷித் கான் அறிவிக்கப்பட்ட அந்த அணியில், இரண்டு மாற்று வீரர்கள் உள்பட மொத்தம் 20 வீரர்கள் இடம்பெற்றிருந்தனர். இந்நிலையில், உலக்கோப்பை தொடருக்கான அணி அறிவிக்கப்பட்ட சில நிமிடங்களில், அணியின் கேப்டன் பதவியை ரஷித் கான் ராஜினாமா செய்துள்ளார். உலகக்கோப்பை தொடருக்கான அணி அறிவிக்கப்படும் போது கேப்டன் என்ற முறையில் தேர்வுக்குழுவினர் தன்னிடம் ஆலோசனை நடத்தவில்லை என குற்றம்சாட்டிய அவர், தன்னிடம் கலந்து ஆலோசிக்காமலேயே அணி தேர்வு செய்யப்பட்டுள்ளதால் கேப்டன் பதவியில் இருந்து விலகுவதாக ரஷித் கான் தெரிவித்துள்ளார். ரஷித் கான் கேப்டன் பதவியை ராஜினாமா செய்ததையடுத்து ஆப்கானிஸ்தான் அணியின் புதிய கேப்டனாக முகமது நபி செயல்படுவார் என எதிர்பார்க்கப்படுகிறது.