U.S. Open டென்னிஸ் போட்டியில், கனடாவின் இளம் வீராங்கனை Leylah Fernandez முதல் முறையாக இறுதிப் போட்டிக்‍கு முன்னேறியுள்ளார்.

'கிராண்ட்ஸ்லாம்' போட்டிகளில் ஒன்றான U.S. Open டென்னிஸ் போட்டி, நியூயார்க் நகரில் விறுவிறுப்பாக நடைபெற்று வருகிறது. இதில் மகளிர் ஒற்றையர் பிரிவு அரையிறுதி ஆட்டம் ஒன்றில், தரவரிசையில் 2-ம் இடத்தில் உள்ள பெலராஸ் நாட்டு வீராங்கனை Aryna Sabalenka-வை, கனடாவின் இளம் வீராங்கனை Leylah Fernandez எதிர்கொண்டார். விறுவிறுப்பாக நடைபெற்ற இந்தப் போட்டியில், முதல் செட்டை Fernandez-ம், 2-வது செட்டை Sabalenka-வும் கைப்பற்றியதால், ஆட்டத்தில் பரபரப்பு தொற்றிக்‍கொண்டது. அனல் பறக்‍கும் ஆட்டத்தை வெளிப்படுத்திய Fernandez 6-4 என 3-வது செட்டை தன் வசப்படுத்தினார். இறுதியில், 7- 6, 4 -6, 6-4 என்ற செட்கணக்‍கில் வெற்றிபெற்று, முதல் முறையாக இறுதிப்போட்டிக்‍கு முன்னேறினார். நாளை மறுநாள் நடைபெறும் இறுதிப் போட்டியில், பிரிட்டன் இளம் வீராங்கனை Emma Raducanu-வுடன் Leylah Fernandez பலப்பரீட்சை நடத்துகிறார்.