தடுப்பூசி செலுத்தவில்லையென்றால் தங்கள் நாட்டிலும் அனுமதிக்கமாட்டோம் என பிரான்ஸ் அரசும் ஜோகாவிச்சிற்கு தடை விதித்துள்ளது.

செர்பிய வீரர் ஜோகோவிச் தடுப்பூசி செலுத்திக்கொள்ளாததால் ஆஸ்திரேலியா ஓபன் டென்னிஸ் தொடரில் பங்கேற்கமுடியவில்லை. இதனால் அந்நாட்டு அரசு ஜோகோவிச் விசாவை ரத்து செய்து ஆஸ்திரேலியாவிற்குள் நுழையவிடாமல் தடுத்தது. இதனால் அவரது ஆஸ்திரேலிய ஓபன் கனவு தகர்ந்தது. இந்நிலையில் பிரான்ஸ் விளையாட்டுத்துறை அமைச்சகம் வெளியிட்டுள்ள செய்தியில், ஜோகோவிச் தடுப்பூசி செலுத்திக்கொண்டால் மட்டும் எதிர்வரும் பிரெஞ்ச் ஓபனில் அவரை பங்கேற்க அனுமதிக்கப்படுவார் என்றும், தங்கள் நாட்டில் ஏற்கனவே தடுப்பூசி செலுத்தியதற்கான சான்றிதழ் வைத்திருப்பர்களுக்கு மட்டுமே பொது இடங்களில் அனுமதி அளிப்பது என சட்டம் கொண்டுவரப்பட்டுள்ளது என தெரிவிக்கப்பட்டுள்ளது. உலகின் நம்பர் 1 வீரர் என்பதற்காக கொரோனா விவகாரத்தில் சலுகைகளை காட்டமுடியாது என பிரான்ஸ் விளையாட்டுத்றை அமைச்சகம் தெரிவித்துள்ளது.